الطفل المصري أكرم إبراهيم محمد إبراهيم الصاوي طفل عمره 14 عام – اعتقل تعسفيا يوم 28 -9- 2014 من المنزل في الساعه واحدة بعد منتصف الليل حيث تمت مداهمة المنزلة بعدد كبير من قوات الأمن والاستيلاء على 5 تليفون محمول للعائلة كما روت والدته ” الضباط قلبوا البيت والدواليب عشان تيشيرت أسود للأولتراس نهضاوى وأخده مع تيشيرت لشهيد الزمالك عمرو حسين كان يحتفظ الطفل به حبا وأخدوا كل موبيلاتنا “.

يروي والده واقعة اعتقاله والانتهاكات التي تعرضوا لها أثناء اعتقال طفله:
“يوم الأحد اللى قبل العيد حوالى الساعه اتنين ونصف الفجر سمعت أصوات عالية كأنه زلزال، تكسير ورجلين كثير على السلم، فتحت الباب لقيت قوات خاصة بيفتحوا الشقة اللى تحتى بالأجنة ، أول مافتحت الباب جريوا على شقتى فى الدور السادس، أكثر من 20 ضابط وعسكرى كانوا جوا الشقة، اللى على السلم واللى فى الشارع مالهمش عدد ، هجموا على شقتى تكسير وقلبوا كل حته فى البيت ، اخدوا ابني وعشرة آلاف جنيه من البيت ودبلة مراتى من تحت مخدتها، وتليفونات وبطايق ومسكوا أوراق تخصنى وكتب وقالوا إنت كمان تيجى معانا وبدأوا يغموا عنيا، اتخانقت معاهم سابونى وقالوا حصلنا على القسم عشان تعرف ابنك هيروح فين.

وأوضح قائلاً : كان معاهم رئيس المباحث هو بيعرفنى لأنى كنت أنا وبعض الجيران بنقف معاهم فى الكماين ونساعدهم أيام مظاهرات 2011 وبحكم شغلى فى مكتب المحاماه لي تعاملات مع القسم ، الظابط قال لى “ابنك بيقطع الطريق الدائرى”، قلت له “حرام عليك ده أنت واخده من البيت”.

اخدوا ابنى أكرم ونزلوا ، لبست وحصلتهم على قسم شبرا الخيمه ثانى، شوفت هناك 4 أطفال نزلوهم من العربية على القسم ومنعونى من الدخول فضلت قاعد قدام القسم لحد الصبح، جت عربية الترحيلات اخدتهم على النيابة ،التحقيقات استمرت من عشره صباحا لحد 6 مساءاً بعدين راحوا أمن الدولة ، عرفت من ابنى بعد كده إنهم ضربوه وكهربوه عشان يعترف أنه قطع الطريق الدائرى رغم اعتقالهم له من البيت ، تم توجيه تهمة قطع طريق لأكرم و عرض على النيابة وتم حبسه 15 يوم لحين استكمال التحريات

اشتكى والد أكرم إبراهيم عن عدم السماح بزيارة طفله منذ اعتقاله .. وأن الرؤية كانت لاتتعدى الثواني المعدودة خلال ترحيله في سيارة الترحيلات للعرض على النيابةرغم كونه محامي ، ويذكر أن أكرم قد صدر بحقه قرار من النيابة بنقله إلي المؤسسة العقابية بالمرج فنُقل إلى معسكر قوات الأمن ببنها

يقول والده : أكرم بيتعرض كل 15 يوم ويتجدد له 15 يوم كل مره ، أنا بس اللى بعرف ادخل اشوفهم يوم العرض على النيابة عشان شغلى فى مكتب المحاماة وهم يدوبك كلمتين ويمشونى ، مافيش زيارات خالص بالعافية بندخل أكل وهدوم مرتين فى الأسبوع ، العنابر عبارة عن أرض خرسانة وبرد جدا ودوخت عقبال ماعرفت أدخل بطاطين للاولاد.

وفي ذلك مخالفة للمادة 37 ج والتي تنص على أن يعامل كل طفل محروم من حريته بإنسانية واحترام للكرامة المتأصلة في الانسان، وبطريقة تراعي احتياجات الأشخاص الذين بلغوا سنه ، وبوجه خاص يفصل كل طفل محروم من حريته عن البالغين، ما لم يعتبر أن مصلحة الطفل الفضلى تقتضي خلاف ذلك، ويكون له الحق في البقاء على اتصال مع أسرته عن طريق المراسلات والزيارات، إلا في الظروف الإستثنائية .

فيديو بثته إحدى القنوات يظهر فيها أكرم مع مجموعة من الأطفال بعد ضربهم وتعذيبهم واعتقالهم واجبارهم بالاعتراف بتهم لم يفعلوها واتهام شخص اسمه ماندو بتحريضهم.

وتطالب منظمة “إنسان للحقوق والحريات” بمحاسبة كل من قام بالانتهاكات الواقعة على الطفل أكرم إبراهيم وغيره من اﻷطفال المحتجزين في سجون الدولة مؤكدة على أن مايجري بحقهم مخالفات واضحة تستوجب مساءلة مرتكبيها ومحاسبتهم لعدم التزامهم ببنود إعلان قانون الطفل المتفق عليا دوليا .