نص البيان : 

انهاردة العيلة عرفت تشوف محمد في المنيل التخصصي ، دخلنا بعد مشادات مع أمن المستشفي اللي كانوا منعونا من الدخول للمستشفي اصلا – مع أننا معانا تصريح زيارة من السجن – و بعد مشادات و مشاحنات حصلت .. عرفنا مع حد من الأمن نطلع نكلم الطابط المسؤول عن محمد و قدرنا أن احنا ندخل له – بعد عناء .

و اكتشفنا بعدها الاتي :
١- دخلنا لقينا محمد ايده متكلبشة في السرير و الكلبش ضيق علي ايده !
و الظباط قالولنا أنهم إمبارح لقوا طبيبة امتياز بتشحن تليفونها جنب محمد و كان فيه تفتيش دخلوا عليه لقوه بيتكلم في التليفون ده ، رغم أن محمد اما حكالنا قال أنه كان نايم و صحي عالدوشة !
مع العلم :- ان محمد مبيعرفش يتقلب عالسرير من الاساس إلا بمساعدة الأطباء !

٢- من المفترض ان محمد يتنقله وحدات دم لكنه امتنع عن ده عشان موضوع الكلبش اللي في السرير .

٣- كان اتفاق محمد مع الاطباء ساعة دخوله المستشفي انه هياخد محاليل ملح بس . انهارده و هو نايم صحي اكتشف ان الاطباء حطوله محاليل تغذية ، قرر ساعتها انه هيمتنع عن كل المحاليل عشان فقد ثقته في فريق الاطباء ( لأن محمد التقارير بتاعه المستشفي هتبقي مرفقة معاه يوم السبت فى الجلسة و اللي هي اكيد بعد تعليق محاليل التغذية هنثبت ان صحته مستقرة و مش علي هذا القدر من الخطورة و انه مش هيحتاج افراج صحي من القاضي ).

اما محمد فكر الأطباء بالاتفاق انه هياخد بس محلول ملح قالولوا لو مت عندنا هنكتبك منتحر !

العيلة بتحمل المسؤولية الكاملة للداخليه و السفارة الامريكية المتواطئة بتباطؤها عن حياة محمد سلطان خصيصاً بعد تعرض محمد للاهانة بكلبشته في سرير المستشفي اللي علي اثرها قرر انه يمتنع عن اي رعاية طبية من الاساس !

عائلة محمد سلطان
9-10-2014

رابط ذات صلة : إصابة المعتقل محمد سلطان بنزيف داخلي ينقل على آثره إلى المستشفى