اختطفت قوات الأمن بالغربية المواطن ” عمر عصام الفبومى ” 20 عام ، وقامت بتكسير وسرقة بعض محتويات منزله ومنزل عمه، واقتياده إلى مكان غير معلوم حتى الآن

وحسب رواية أخته : كنا في اسكندرية يوم الجمعة الماضية ورجعنا المنزل الساعه ١بعد منتصف الليل وجدنا المحلة مقلوبة عشان التفجير، تاني يوم عمر راح السوبر ماركت بتاع والده يقف فيه، وفجأة وصل توكتوك ونزل منه ٤ أشخاص كتفوه وصوبوا السلاح على رأسه ولما حاول ينده على أبي خبطوه وكتموا نفسه. على ما حد شافه كان التوكتوك جري ووراه بوكس ، وبعدين لقيناهم اقنحموا البيت كسروه واستولوا على ٣ لاب توب و ٣موبايلات وفضلوا يبحثوا في الهدوم لحد ما أخدوا ٣ تيشرتات لونها أحمر وترنج لونه أحمر ، استغربنا بس عرفنا بعدها أن كاميرا البنك صورت اللي وضع القنبلة وهو لابس تيشيرت أحمر.

وأضافت ” اقتحم الأمن المنزل ثلاث مرات متتالية ومنزل عمى أيضاً بمنطقة أبو راضى وقاموا بتحطيم محتوياته والاستيلاء على علبه مشغولات ذهبية وتقطيع فرش المنزل بالسكاكين ، والاعتداء علينا بالسباب والألفاظ البذيئة ” .

 وأضافت  ” واحد صاحب عمى تواصل معنا وقال أن الأمن نقل ” عمر ” إلى مستشفي مركز القلب في حالة صعبة وفضل في المستشفى لحد انهارده  ” .الصبح بعدها أخدوه تاني ورجعنا نلف على الأقسام وكلهم رجعوا ينكروا وجوده