جاءت رسالة احد الطلاب المعتقلين بسجن برج العرب تعبيرا عن إضرابه عن الطعام كالتالي
“أنا عامل إضراب من يوم الثلاثاء اللي فات هنا( 11 نوفمبر)، كل السياسي عامل إضراب عن التعيين بتاع السجن، وفيه 150 واحد معايا عاملين إضراب كامل، وكل يوم العدد بيزيد.”

“المصلحة بتاعت السجون جت يوم الأربع (12 نوفمبر ) وفتشت كل السياسي وطلعوا مسئولين الغرف وادوهم طريحة تمام “إنتوا عاملين إضراب ليه! وإنتفاضة ايه اللي انتوا عاملينها، هندخل نهدم الزنازين على اللي فيها .. إلخ” وسب ولعن، كان مع المصلحة قوات من الأمن المركزي ومعاهم غاز.”

“العنابر اللي دخلوها كانوا قاصدين يكدروا الناس اللي فيها، دخلوا كسروا الكراسي البلاستيك وبهدلوا الهدوم والأكل عشان مش راضيين نستلم التعيين، وبيدخلوا يسألوا مين اللي مضرب ومين اللي عاوز التعيين، واحد منهم سمعناه بيزعق بيقول “ادخلوا الزنازين واسألوا مين اللي مش عاوز التعيين واللي ميعوزش طلعوا ****” وكان قال لمسئولي الزنازين أنا هاخد 100 واحد هوديهم سجون القليوبية وسجنين كمان مش فاكرهم، العنبر بتاعنا من يوم 7/11 واحنا رافضين تعيين السجن، يوم 10/11 قاطعنا الكانتين والكافتريا”.